因為在四月九日做了膽手術
雖然是微創手術 , 都覺得手術之後有點虛
鄰居是西貢人 , 提醒我可以煲石崇魚湯
於是我就去大埔墟街市買石崇魚煲湯
買了幾天都是手指那麼大的石崇 , 每兩十五元
每次買一斤 , 分開兩天來煲 , 每次煲半斤
買了幾次 , 今天去說已經沽清 , 於是走去其他魚檔看看
其實這種魚不常有 , 真係有錢都不一定買到
誰知我行行下 , 在康威魚檔 , 見到他們養了兩大盤魚在魚檔前
他們平時是沒有活魚賣的 , 於是我就問老闆娘有無石崇賣
老闆娘聽了 , 伸手入其中一摸 , 就拿了一條魚給我看
但她說要四十元一兩 , 我心想這麼難搵都給我搵到
四十就四十啦
這條魚盛惠三百八十元
用鑊煎下先
豬展出水
加了陳皮 , 淮山, 茨實, 南杏, 伏神和龍眼肉
煲兩個半鐘就可以飲
朋友教我煲呢個湯
話係一個朋友教佢煲既
呢個湯對個胃好有益的
我今日都準備材料試下煲
蕉蕾
蕉蕾之間的花蕊
青大蕉
泥鰍魚在鑊中
泥鰍魚的生命力真的很強 , 牠們給我放在雪櫃一整天 , 跟住用鹽來給牠們清潔 , 清潔了很久都是很生猛
另外再加陳皮 , 十粒紅早 和蜜早
將所有材料放入煲 , 煲兩小時即可以飲用
我地屋企長期都係得兩三丁人食飯 , 所以有時買咗餸都無人食 , 但係有機會我都會盡量煮 , 因為成日出街食 , 都唔係咁健康 , 我都學人講下今晚食乜餸
蒸龍躉肉
係我煮得最多既一種魚 ,雖然都係養魚嚟 , 但這是屋企最多人會食既魚 , 我在大埔墟街市買開嗰檔海鮮會幫我切一片片, 番屋企蒸八分鐘就得 , 雖然呢度定價係十蚊一兩 , 都無得減價 , 但因為質數穩定 , 所以我都會喺呢一檔買
我整既泰式大蝦柚子沙律
係跟基絲汀既簡易食譜整 , 基絲汀既食譜真係好得 , 我次次跟佢食譜整D餸 , 屋企人食過都會自動讚好食 , 煮餸有人讚好食真係好開心架
冬菇螺肉湯
我跟李南中醫師本湯書 [家庭老火湯 ]煲既
