Merry Christmas @ The Peak Lookout Restaruant

 今年聖誕節本來想一家人去食自助餐慶祝 

 點知好多度都訂唔到位 , 好似帝苑酒店的雅苑座 , 平時去食都係六百幾蚊一位

聖誕節加到千二蚊都無位 , 原來好多間早在一個月前已經開始訂位

祗有半島酒店在boxing day啲lunch buffet 有位 , 但係老公喺二十六號唔得閒 , 唯有放棄 ,大小姐會同佢未來老爺奶奶去

雖然大小姐話半島啲buffet都好有水準 , 我都想去試下 ,  而家唯有等下次嘞

最後大小姐提議去太平山餐廳食聖誕餐 , 佢嚟過覺得都幾好, 於是就book咗呢度

 

 

 

 

 

 

 

 

 

 

 

 

 

 

 

 

 

 

聖誕夜山頂好熱鬧 , 餐廳都滿座 ,喺呢D節日 , 一家人出去感受下節日啲氣氛都好開心呀 !

 

 

 

 

 

 

 

聖誕裝飾

有時我覺得大小姐都幾哂錢

佢同三小姐走去間workshop做咗兩個聖誕飾物

個飾物啲材料全部係真啲植物

D蘋菓同berries都係真啲

大小姐整啲

佢已經掛咗係佢啲新居度

呢個係三小姐整啲

我未得閒掛起佢

我驚個飾物唔知可唔可以keep到聖誕節呢

Rosehip Oil

近來天氣真的很乾燥 , 雖然有雪花秀用 , 但係都唔多夠

好在二小姐剛好喺澳洲返嚟 , 佢買咗支rose hip oil 比我

 

 我就開咗嚟用

估唔到用咗效果都幾好

 

好在佢又送埋支 facial moisturiser

用咗之後無咁乾嘞

 

鮑魚

朋友從澳洲訂來塔斯曼尼亞的野生鮑魚

她訂了一百多隻鮑魚

一到步就給她的一個朋友全部要了

最後她從這堆鮑魚中 , 硬取了一隻留給我

造隻鮑魚差不多有二百克

而且味道也不錯 , 可能是野生的 , 所以味道比普通的鮑魚優勝 , 我想入多 D貨都無貨 , 因為已經全都沽清 , 要等下次了

 

Dinner@ Rice Paper

十一月三日     星期日

大小姐今日約我出街食飯

佢約我地去又一城的 Rice Paper食越南菜

點知三小姐感冒唔去

四少又話唔想日日出街喎

最後得我同大小姐同大小姐男朋友三個人去

我地去到又要排隊 , 排咗一陣先有位

星期日的又一城 ,周圍都要排隊入座

三個人食咗

 

薄燒豬頸肉

 

波蘿海鮮炒飯

 

 

 

大蝦米紙卷

 

牛柳粒紅飯

 

沙爹串燒

 

這裏的食物幾啱我的口味 , 環境也很舒服 , 燈光暗暗地好有情調 , 令人食得很開心 , AE Card 還有優惠呢 !

 

 

 

午餐

平日午飯多數出街食, 因為得我自己一個人食 , 我都懶得煮

今日大小姐學校早放 , 可以同我食lunch

我約咗佢喺沙田等 , 都要我等佢等到三點幾

最後我地就去咗Pokka Cafe 食嘢 , 下午茶嘅時間 , 都仲要攞籌等位呢！

 

我叫咗豬骨沙拉麵

大小姐嘅牛肉湯拉麵

我地一路食一路傾 , 到六點先走呢

早幾日喺大埔自己食 , 去咗呢間ＯＮＣＥ　ＫＩＴＣＨＥＮ食

餐湯

蒜茸飽

 

焗海鮮飯

 

仲有杯餐茶 , 咁多嘢吃 , 埋單都係六十幾蚊 , 其實都好抵

 

 

希望佢地能夠越做越旺 , 唔好有咁多空位

 

今晚食乜餸

 

我地屋企長期都係得兩三丁人食飯 , 所以有時買咗餸都無人食 , 但係有機會我都會盡量煮 , 因為成日出街食 , 都唔係咁健康 , 我都學人講下今晚食乜餸

 蒸龍躉肉

係我煮得最多既一種魚 ,雖然都係養魚嚟 , 但這是屋企最多人會食既魚 , 我在大埔墟街市買開嗰檔海鮮會幫我切一片片, 番屋企蒸八分鐘就得 , 雖然呢度定價係十蚊一兩 , 都無得減價 , 但因為質數穩定 , 所以我都會喺呢一檔買

 我整既泰式大蝦柚子沙律

  http://www.christinesrecipes.com/2013/09/prawns-pomelo-salad.html

 係跟基絲汀既簡易食譜整 , 基絲汀既食譜真係好得 , 我次次跟佢食譜整D餸 , 屋企人食過都會自動讚好食 , 煮餸有人讚好食真係好開心架

 

冬菇螺肉湯

 

 

我跟李南中醫師本湯書 [家庭老火湯 ]煲既

 

 

 

 

珠胎暗結

這是二小姐同佢男朋友養的異國短毛貓Soda

二小姐成日覺得Soda自己一個好悶 , 所以想搵隻貓女比Soda作伴 , 幾經辛苦先搵到一隻係全黑色的異國短毛貓女 , 佢地嚟我屋企住咗一排 , 呢張相係我幫貓女Sophie 映嘅 ,佢地喺我屋企住啲時候 , 我覺得Sophie個肚有D突 , 同埋成日問我攞嘢食, 我地仲成日話佢為食 , 到最近兩隻貓返咗二小姐男朋友屋企

有一日 , 佢準備出街 , 突然聽見一聲貓叫 , 回頭一看 , 已經見到有一隻小貓躺在地上 , 立刻將牠們帶到動物醫院 , 攪到第二朝早 , sophie最後生咗三個BB , 大小姐搵過D資料 , 原來貓懷孕最長係七十一天呀

 

爸爸同媽媽照顧 D貓BB

 

 

 

最初驚Sophie唔識照顧BB , 連奶樽都買埋

 

原來做媽媽係天性嚟架 , Sophie照顧D貓 BB照顧得頭頭是道 , 不經不覺D BB大咗好多 , 有手掌咁大嘞

 

雪花秀

 

大小姐而家很少去韓國 , 我用開嘅雪花秀已經用完了

不過大小姐都好有我心 , 佢有同學去韓國玩

佢就托同學幫佢買雪花秀俾我 , 呢隻護膚品價錢比較貴

講真如果叫我自己買 , 我有D唔捨得呢

好在佢一盒都可以用到差不多半年 , 算係貴買平用

 

潤燥精華 , 第一次用雪花秀就開始用滋 陰系列, 覺得效果幾好

 

 

 眼霜 , 以前用閃理眼霜 , 今次係珍雪眼霜 , 係升級版 , 所以係好用D

 

呢隻係珍雪面霜 , 但係我仲未捨得用啊 ! 要用哂D舊嘅先 

 雪花秀喺韓國多數係D上了年紀嘅阿豬媽用嘅 , 我真係想唔認老都唔得嘞 , 而事實上 , 試過幾隻護膚品 , 係雪花秀比較適合我呢 !